ما هي مشكلة الSurgical Guide مع ال Coolant تحديدا؟
من أشهر مشاكل الsurgical guide اللي الدكاترة اللي بتستخدمه لأول مرة مبتاخدش بالها منها
هو إنه مبيسمحش لل Coolant إنه يوصل لل site of drilling بشكل حلو ، على عكس ال Freehand
ف اللي بيحصل هو إن الدكتور يجي يستخدم الجايد لأول مرة ويستخدم الدريل زي ما بيعمل في العادي
ومع إنه شايف الcoolant كثيف وبعينيه …
يبدء يشم ريحة Burining ، وممكن يلاحظ إن الدريل بيطلع فيه debris لونها بني او إن الدريل نفسه بيقطع بشكل اضعف
ولو مسك الدريل بإيده هيلاقيه سخن جدا!
طبعا المشكلة بتبقى في ال healing ، لإن ال bone بيحصل فيه necrosis بياخد شهور عشان يخف أو حتى بيحصل failure للزراعة
المشكلة هي صعوبة وصول الcoolant للعضم
إيه الحلول؟
في حلول بتعملها إنت كـImplantologist أثناء إستخدام الجايد وهي:
1- Intermittent Driling
تستخدم الدريل ثانيتين او تلاتة بعدين تخرجه وتعمل Irrigation وتعيد استخدام الدريل
2- Transparent Guide
لو بتطبع الجايد بنفسك ، إطبعه من مادة شفافة بحيث يساعدك تقدر تشوف ال coolant flow تحت الجايد
3- Refrigerated Saline
قبل العملية أطلب من التمريض يحط ال saline في التلاجة ، ده هيزود ال effciency ويخليه يبرد العضم افضل
ما دام هيوصل بشكل اقل للعضم ، يبقى نزود كفاءة الجزء اللي هيوصل ده
4- Guide for Pilot Drill only
وده بيكون مناسب في بعض الحالات إنك تستخدم الجايد بس لأول دريل ، بحيث يحدد لك الdrilling site بشكل مضبوط
وتكمل بعده ب Free hand
5- Minimal Speed
يفضل سرعة الdrill متزيدش عن 600RPM
6-Minimal Pressure
عشان نقلل الإحتكاك مع العضم
7- Avoid Full Length Drilling
تجنب إنك تحاول توصل لل full length من اول دريل
خصوصا في ال D1 اللي العظم فيه بيكون كثيف جدا والحرارة فيه اعلى
طب لو إتكلمنا على الحلول اللي بينفذها الـ Guide Designer زينا؟
1- Least offset possible
بنخلي ال Guide tubes بأقرب مسافة ممكن من العضم ، طبعا في حدود الحسابات الصح المناسبة لل drill kit
وإننا نستخدم اقصر دريل ممكن
2- Grooves at Guide Tube
مبنخلش مدحل ال drill دائري بشكل كامل ، بيكون في grooves بسيطة بتسمح بمرور ال coolant بجانب ال drill
بدون ما تأثر أكيد على وظيفة الجايد
3- Vent Holes
بنصممها عشان تسمح بمرور الcoolant داخل وخارج الجايد
بس دي محتاجة printer كويسة جدا عشان تطبعها ومتطبعش مقفولة بالغلط
بنستخدمها خصوصا لو انا مضطر استخدم long drill او high sleeve
وبس كدا
ممكن لو محدش نبهك للنقطة دي تقابلك مشاكل وقت الزراعة
زي اللي اتكلمنا عنها في مقالة “أشهر 3 مشاكل بتقابلك في اول حالة تشتغلها بالجايد:
https://galaxydentistry.net/most-common-mistakes-you-may-do-when-you-start-using-surgical-guide-for-first-time/
https://galaxydentistry.net/most-common-mistakes-you-may-do-when-you-start-using-surgical-guide-for-first-time/
لكن بالنسبالنا دي نقطة من نقط كتير بنعرفهالك لو اول مرة تشتغل معانا بالجايد
جاهز نساعدك ونصمملك أول جايد تشتغل بيه لحالاتك؟
أطلب الخدمة من خلال الصفحة التالية:
